महाशिवरात्री पर्वका लागि सम्पूर्ण तयारी पूरा

महाशिवरात्री पर्वका लागि सम्पूर्ण तयारी पूरा

काठमाडौ । पशुपति क्षेत्र विकास कोषले महाशिवरात्री पर्वका लागि सम्पूर्ण तयारी पूरा भएको जनाएको छ । पशुपति मन्दिर परिसरमा कोषले आइतवार पत्रकार सम्मेलन गरी महाशिवरात्रिको सम्पूर्ण तयारी पूरा भएको जनाएको हो ।

कोषका अनुसार दर्शनार्थीको व्यवस्थापन, ट्राफिक व्यवस्थापन, आवास, भोजन, स्वयंसेवा, सरसफाई तथा स्वास्थ्य शिविरका साथै धार्मिक कार्यक्रम, सूचना, प्रचारप्रसार, सुरक्षा लगायत सबै काम पूरा भएको छ ।

कोषले भोलि बेलुकी ७ बजेदेखि ठूला सवारी साधनलाई महाराजगञ्ज चक्रपथ र कोटेश्वरबाट पशुपतितर्फ जान रोक लगाएको छ। पशुपतिनाथको दर्शन गर्न चाहने भक्तजनले जुन बाटोबाट पशुपति मन्दिर प्रस्थान गरेको हो सोही बाटोबाट फर्कनु पर्नेछ ।

यस्तै, सवारी साधनलाई गुह्येश्वरीपारि, सिफलचौर, महानगरीय प्रहरी वृत्त गौशाला, कोषको कार्यालय भण्डारखाल र तिलगंगामा स्वदेशी तथा विदेशी पर्यटक र दर्शनार्थीका सवारी साधन पार्किङ गर्ने व्यवस्था मिलाइएको छ ।

Share