लुम्बिनी सांस्कृतिक अभियानका दूतमा नेपाल आइडल

लुम्बिनी सांस्कृतिक अभियानका दूतमा नेपाल आइडल

सानु घिमिरे/जिलोङ, अस्ट्रेलिया । अस्ट्रेलियाको जिलोङमा आयोजित एक कार्यक्रमका बीच नेपाल आइडल बुद्ध लामा, निशान भट्टराई, प्रताप दास र प्रमिला राई र नेपाल आइडल होस्ट सुशिल नेपाललाई लुम्बिनी (कपिलवस्तु दिवस) अभियानका सांस्कृतिक दूतको रुपमा नियुक्त भएका छन् ।

अभियानका विश्व संयोजक इन्जिनियर रामकुमार श्रेष्ठले नेपालबाट आएका सबै कलाकारहरु र मेलबर्न कार्यक्रमका आयोजक बिभुषण जोशीलाई खादा ओढाएर स्वागत गरे पश्चात पाँच जनालाई अभियानको सांस्कृतिक दूतको नियुक्तिको प्रमाणपत्र प्रदान गरेको हो ।

त्यसै गरी निलेश अधिकारी पर्यटन, श्रीकुमार श्रेष्ठ शिक्षक, किशोर कुइंकेल स्काउट विद्यार्थी, अल्फा श्रेष्ठ पर्यावरण विद्यार्थी, सविता भट्ट कलेज स्टुडेन्ट दूत, आर्य पोखरेल विद्यार्थी दूत र सुनिता बस्नेत दूतको रुपमा नियुक्त भैसकेका छन् । डिआइडी लिटिल मास्टर्स सेशन ३ का बिजेता तेरिया फौजा मगरलाई अभियानको “लुम्बिनी वालिका शान्ति दूत” को रुपमा नियुक्त गरिएको छ ।

यस अघि अभियानले पूर्व प्रधानमन्त्री पुष्प कमल दाहाल प्रचण्ड, पूर्व मन्त्री एबं पूर्व राजदूत दीप कुमार उपाध्याय र पूर्व राजदूत कमल प्रशाद कोइरालालाई सम्मान, राष्ट्रिय स्तरका कलाकारहरु मनोज गजुरेल, प्रेमराजा महत, जीवन शर्मा, बद्री पंगेनी, प्रमोद खरेल, धिरज राई, कोमल ओली, मीना लामा, सुनिता दुलाल, सुस्मा अधिकारी, रेखा थापा आदिलाई सांस्कृतिक दूत र भिक्षु मगर, वरिष्ठ पत्रकार चेतन पन्त, हरी श्रेष्ठ र सरोज अर्याललाई अभियानको शान्ति दूतको रुपमा नियुक्त गरिसकेको छ् ।

त्यस्तैगरी मिस वर्ल्ड अस्ट्रेलिया न्याशनल फाइनालिस्ट राशी कपूर, मिस श्रीलंका अस्ट्रेलियाका कार्यकारी साभ जैनुदिन, मिस श्रीलंका अस्ट्रेलियाका २०१५ का मिस फोटोग्राफिक सारा लियान्जे, अस (लंका बिजिनेस काउन्सिलका अध्यक्ष एबं मिस श्रीलंका अस्ट्रेलियाका कार्यकारी निर्देशक डिल्की पेरेरा, ब्राण्ड क्लार्क, ग्राएम केण्टलाई फ्रेण्ड्स अपह नेपालको रुपमा नियुक्त गरिसकेको छ ।

कार्यक्रममा उपस्थिति जनाउन असमर्थ छायाँ सहायक मन्त्री आन्ड्र्यु काटोस, फेडेरल सांसद सेरा हेण्डर्सन र सांसद क्रिस्चिन कोउजिन्सले अभियानका राजदूतको रुपमा नियुक्त हुनेहरुप्रति शुभेच्छा सन्देश पठाएका थिए ।

यसरी लुम्विनी सांस्कृतिक अभियान दूत सम्मान कार्यक्रम अभूतपूर्व रुपले सफल भन्दै सबैलाई विश्व संयोजक श्रेष्ठले धन्यवाद दिएका थिए।

यस कलाकारहरु सम्मान कार्यक्रममा ब्लु माउण्टेन इण्डियन रेस्टुरेन्ट ओसनग्रोभको विशेष सहयोग रहेको थियो ।