घरेलु हिंसा न्यूनिकरण कार्यक्रम मेलबर्नमा सम्पन्न

घरेलु हिंसा न्यूनिकरण कार्यक्रम मेलबर्नमा सम्पन्न

प्रभा श्रेष्ठ/मेलबर्न, अस्ट्रेलिया । दिदीबहिनी समाज भिक्टोरियाद्धारा बढ्दो घरेलु हिंसा न्यूनिकरणका संभाबित उपाय र रोकथामलाई केन्द्रबिन्दु बनाएर यस क्षेत्रका नेपाली र अस्ट्रेलियाली बिज्ञहरुलाई सहभागी गराएर घरेलु हिंसा सम्बन्धी कार्यक्रम आयोजना गरेको छ ।

कार्यक्रममा भिक्टोरियाका लागि अबैतनिक महाबाणिज्यदूत चन्द्र योञ्जनले पितृसत्तात्मक संस्कारबाट आएको कारण हाम्रो समाजको घरेलु हिंसामा नेपाली संस्कारले निरन्तरता पाएको दाबी गरे ।

योन्जनले नकारात्मक शोच र शक्ति बढी भएकाले जथाभावी लेख्ने र बोल्ने कामले सामाजिक हिंसा बढाउनेतर्फ इंगित गर्दै संस्थाको स्थापनाकालदेखि नै यस किसिमका उद्देश्य प्राप्ती कार्यमा आफ्नो पूर्ण सहयोग रहेको र यसलाई निरन्तरता दिने प्रतिबद्धता समेत जाहेर गरे।

मोरल्याण्ड सिटी काउन्सिलका मेयर जोन कभानाघले दिदीबहिनी समाज भिक्टोरियाद्धारा गरिने कार्यक्रम प्रभाबकारी हुने भएकोले काउन्सिलसंग मिलेर काम गर्न पाउँदा खुशी लागेको र आगामी दिनमा यस्तै कार्यक्रमहरुमा सक्दो सहयोग गर्ने बताए ।

त्यस्तैगरी कार्यक्रममा इन टच मल्टिकल्चरल सेण्टर अगेन्स्ट फेमिली भायलेन्सका एक्जेक्युटिभ प्रोग्राम मैनेजर श्रीमती रोशन भण्डारी, अस्ट्रेलिया पुलिसका घरेलु हिंसा युनिटका सिनियर सर्जेण्ट तानिया गलाघर, नर्दन कम्युनिटी लेगल सेण्टरका मैनेजर हिथर म्याक्लिन, साइकिआट्रिस्ट कन्सल्ट्याण्ट डा. अनुपम पोखरेल, बेरी स्ट्रीटका घरेलु हिंसा प्राक्टिसनर शोभा लम्सालले आ–आफ्नो क्षेत्रबाट बिशेष प्रस्तुती दिएका थिए।

प्रस्तुति पश्चात प्रदान गरिएको केस स्टडीमा समूहगत छलफल गरी समस्या समाधानमा आफूले के योगदान गर्न सकिने र त्यस सम्बन्धी सुझाबहरु सुझाइएका थियो।

दिदीबहिनी समाज भिक्टोरियाका अध्यक्ष जमुना पराजुलीद्धारा स्वागत गरिएको कार्यक्रममा कोषाध्यक्ष प्रभा श्रेष्ठद्धारा धन्यवाद ज्ञापन गरिएको थियो।

उक्त कार्यक्रममा लुम्बिनी (कपिलवस्तु दिवस अभियानका विस्व संयोजक रामकुमार श्रेष्ठ, वि पी चिन्तन प्रतिष्ठान अष्ट्रेलियाका सभापति दुर्गा आचार्य, एनआरएन अस्ट्रेलियाका केन्द्रिय सदस्य निराजन गौली, एनआरएन भिक्टोरियाका सचिब गौतमा लामिछाने, क्रेगिबर्न नेपाली समाजका प्रेम प्रशाद कंडेल लगाएत बृहत उपस्थिति रेहेको थियो ।