डिपी परिश्रमीले ल्याए मार्मिक भिडियो ‘परदेशी छोरोे’

Monday, September 11th, 2017 at 7:02 pm By:News Missile Highlighted News, Music 1199 Views

काठमाडौ । एकदमै तिख्खर शब्दहरुबाट गीत रचना गर्ने प्रखर गीतकार डिपी परिश्रमीको शब्द रचनामा निर्मित ‘परदेशी छोरो’ को म्यूजिक भिडियो तत्कालै सार्बजनिक भएको छ ।

‘परदेशी छोरो’ गीत गीतकार परिश्रमीको आधुनिक गीतिसंग्रह तिर्सना मै समेटिएको एक मार्मिक गीत हो। उमेरले डाँडो काटिसकेको अथवा भन्ने गरिन्छ, डाँडामाथिको जुन डुब्नलाई कति नै वेर लाग्ला र, त्यस्तै अवस्थाकी आफ्नी बुढी आमा घरमा हुन्छिन् ।

आफ्ना आमालाई सुखसयलमा राखुँला भन्ने दृढसंकल्प र मनोइच्छा भएकै कारण विदेशिनु परेको भाव दर्शाउँदै रातदिन आमालाई नै छोरोले सम्झिरहेको हुन्छ ।

आफ्नो बुढेशकालको सहारा भनौ या आशाका किरण भनाउँदाको छोरो विदेशिएको छ । त्यही परदेशिएको छोरो कहिले आउला भनेर रुदै सम्झदै छोरो हिड्ने बाटोतिर नियालिरहेकी हुन्छिन्, दिनरात तड्पिरहेकी हुन्छिन्।

यसर्थमा कि आमाप्रतिको आस्था, मान, सम्मान, आदर र सत्कार त्यसको फलस्वरुप छोरोप्रति आमाको माया ममता स्नेहप्रेम कतिहदसम्म हुँदो रहेछ त त्यसलाई छर्लङ्ग पारिएको छ ।

चर्चित युवा गायक हेमन्त शर्माको मीठो आवाजमा सजिएको ‘परदेशी छोरो’ भिडियोमा कलाकार सन्तोष मगर र चन्द्रकला भूजेलले निकै मर्मस्पर्षि अभिनयकला पस्केका छन् ।

यसरी अत्यन्तै वास्तविक अनि विरहलाग्दो गीतमा संगीत दिएका छन् देश विदेशकै महाचर्चित संगीतकार शम्भूजित बास्कोटाले ।

त्यस्तैगरी भिडियो सम्पादन रामसिंह भाट गरेका हुन् भने, छायांकन तथा निर्देशन दयाराम घिमिरेको  रहेको छ । दृष्य निर्माण रहेको छ वल्र्ड कभर मिडिया प्रा.लि.को।


Related Post

डिपी परिश्रमीको मार्मिक म्यूजिक भिडियो ‘झरेको जीवन’ सार्बजनिक
छुट्टै मिठासले भरिएको गायिका देशु गोलेको ‘सायद मलाई’
‘आई लभ यु २’ को १ लाख पुरस्कार कसले हात पार्ला ?
‘आउन पाइन दशै र तिहारमा’ मार्मिक भिडियो सार्बजनिक